Lalaki sa Pototan nga ginserbihan sang search warrant, nakapalagyo!

Pototan, Iloilo–Nakapalagyo sa mga pulis ang ginatudlo drug pusher nga subject sang search warrant sa Brgy. Tuburan kaina sang kaagahon.

Wala na sa iya balay si ravino Juntaria sang nag-abot ang mga pulis. Naabtan sang mga ini sanday Joceriel Matullano, 27-anyos sang Brgy. Batuan kag Mario Barlan sang Poblacion Ilawod, San Enrique.

Na-recover sa balay ni Juntaria ang 17 ka plastic sachets sang suspected shabu, 500 pesos nga kuwarta kag drug paraphernalia.

Nakuha naman kay matullano ang isa ka daku nga plastic sachet sang suspected shabu kag mil 420 pesos nga cash. (Aine Grace Bravo)