November 27, 2021

Mga pagsulundan sa pagpanapik sang campaign materials, ginplastar sang City Comelec

Read Time:1 Minute, 6 Second
COMELEC
Common Poster Areas in Iloilo City

Iloilo City–Suguran sang City Comelec buwas ang pagpangkakas sang mga political campaign materials sang mga kandidato nga illegal nga ginpatapik sa indi common poster areas sa syudad.

Suno kay Mr. Jonathan Sayno, election officer 2 sang City Comelec, may yara sang kinamatarong ang Comelec nga magpangkakas sang mga illegal posters 72 ka oras antes ang campaign period sang mga national candidates base sa mga pagsulundan sang Fair Elections Act. Nagpanawagan si Sayno sa mga tinawo sang mga local kag national nga kandidato nga kakason na ang ila mga posters sa indi common poster area.

Sa sinapol sang City Comelec kaupod ang mga representante sang national candidates, political parties kag mga local candidates, gin-athag ni Sayno nga indi sila basta-basta makapatapik sang poster bisan diin lang nga parte sang syudad.        Gintumod ni Sayno nga ginadumili ang pagtakud sang campaign materials sa pampubliko nga mga lugar pareho sang tanod outposts, barangay halls, taytay, eskuwelahan, day care centers, mga puno sang kahoy kag mga poste.

Mahimo lang makatapik suno sa iya ang mga kandidato sa mga pribado nga propedad nga may pahanugot sang tag-iya. Pero indi naman maglapaw sa 2×3 feet ang kadakuon sang poster nga ipatapik sang kada kandidato. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Dr. Candice Tupas, nagsumpa na bilang bag-o nga konsehal sa syudad
Next post UPDATE: Mr. Jeffrey Celiz, magasumiter na sang iya irrevocable resignation letter bilang EA for Political Affairs ni Mayor Jed Patrick Mabilog subong nga semana