Presidente Noynoy Aquino, ginpasalamatan ang PAGCOR sa pag-donar sang school building para sa Pavia National High School

Pavia, Iloilo — Ginpasalamatan ni Presidente Noynoy Aquino ang Philippine Amusement and Gaming Corporation (PAGCOR) sa pag-donar sang pundo para mapatindog ang bag-o nga 3-storey, 18-classroom school building sa Pavia National High School.

Sa iya nga speech sa inagurasyon kag turn over ceremony, ginpahayag ni Aquino nga kabahin ang proyekto sa implementasyon sang K to 12 Program sang gobierno.

Mahimo na magamit suno sa iya ang school building sang mga incoming senior high school students sa Pavia.

Ginpasalamatan man sini ang Department of Education kag ang Department of Public Works and Highways (DPWH) nga nagbuligay agud mahuman ang proyekto nga kabahin sang Matuwid na Daan sa Silid-aralan School Building Project sang Aquino administration.

Ang school building nagabalor sang P43 milyones  kag maka-akomodar sang 900 ka mga estudyante.

Ginpangunahan man ni Aquino ang ceremonial switch-on sang sang Panay Island Sitio Electrification Project sang National Electrification Administration sa Pavia.

Nagtambong man ini sa proclamation kick-off rally sang Liberal Party sa Iloilo Freedom Grandstand. (JoMaque)