Driver sang depasahero nga jeep nga may biyahe Jaro CPU, nagreklamo nga gindakup sang pulis bisan nga naglabay siya sa iya ruta

Iloilo City — Nagreklamo ang driver sang depasahero nga jeep nga may biyahe Jaro CPU nga gindakup sang pulis bisan nga nagalabay siya sa iya ruta.

Suno kay Ernesto Diaz, gin-arkilahan siya kahapon sang cause-oriented group nga Gabriela kadungan man sa pag-abot ni Presidente Noynoy Aquino nga nag-upod sa campaign kick-off sang Liberal Party national candidates sa freedom grandstand.

Ginpahayag ni Diaz nga nakibot siya sang gindakup sang pulis kag gin-charge nga out-of-route bisan nga ruta sini ang Bonifacio Drive.

Pirmado ang temporary operator’s permit (TOP) ni PO3 A. Masamong Jr.

Gin-athag naman ni Reylan Vergara sang Bayan Panay nga indi protesta ang ginhimo sang Gabriela nga One Billion Rising.

Panugod man sang electoral campaign sang Gabriela ang natabu suno kay Vergara gani makatingalahan nga gindakup ang driver sang jeep nga gin-arkilahan sang grupo.

Ginkwestyun man ni Vergara kon may permit man ang tanan nga depasahero nga salakyan nga gingamit sang mga nag-upod sa LP rally sa freedom grandstand. (JoMaque)