10 pusil ni Melvin Odicta, ginturn-over sa PRO 6

Iloilo City–Ginturn-over ni PDEA 6-identified top drug personality Melvin Odicta alyas Boyet sa Police Regional Office 6 ang 10 sa 12 niya ka mga pusil nga may lisensya.

Kasunod ini sang resolution sang FEO License Revocation and Restoration Board ukon FLRRB nga naga-revoke sang license to own and possess firearm ni Odicta.

Suno kay PRO-6 Director PCSUPT Bernardo Diaz, nagtawag ang kampo ni Odicta kahapon kay PCINSP Rio Maymay nga hepe sang Police Station 1 sang Iloilo City Police Office agud kuhaon ang mga pusil sa iya balay.

Si Maymay ang nagkuha sang mga pusil sa balay ni Odicta agud indi ini ma-iguan sang Comelec gun ban kon siya ang mag-transport pakadto sa police station.

Sa impormasyon nga nakalab-ut sa Aksyon Radyo, Pebrero 1 pa gin-aprubahan ang revocation kag kanselasyon sang LTOPF kag gun registrations ni Odicta pero sang Pebrero 5 lang gin-fax sa Kampo Delgado. (Aine Grace Bravo)