24-anyos nga lalaki, patay matapos ginpahayag naghikog paagi sa pagtiro sa kaugalingon!

Leon, Iloilo — Patay ang 24 anyos nga lalaki sa Poblacion, Leon matapos nga ginpahayag nagpanginmatay paagi sa pagtiro sang kaugalingon.

Suno kay SPO3 Roberto Ellorquez sang Leon PNP, gintiro ni Ronnie Cadiz ang iya ulo gamit ang .45 caliber nga pusil.

Natabuan suno kay Ellorquez nga yara sa pihak nga kwarto ang amay ni Ronnie.

Naabtan sang amay nga duguon na si Ronnie gani iya dali-dali nga gindala sa pinakamalapit nga ospital.

Napatay si Ronnie pasado ala-1 kahapon sang hapon.

Ginadeterminar sang pamilya kon ano ang rason sa pag-suicide ni Ronnie.

Pero ginpahayag nga nadismaya si Ronnie bangud wala ini nakasulod sa Philippine Army. (JoMaque)