21-anyos nga miembro sang third sex, nasumbagan matapos gin-akusahan nga nagpangawat sang isda sa Fishing Port Complex!

Iloilo City — Nakahibi ang 21-anyos nga miembro sang third sex matapos nga ginsumbag sa sulok-sulok kag likod sang wala makilala nga lalaki sa Fishing Port Complex kaina sang kaagahon.

Suno kay alyas Tope sang Tanza Baybay City Proper, bag-o lang sila kaon sang noodles sang iya duha ka abyan sang gin-akusaran sang suspek nga nagpangawat sang isda.

Ginpanginwala ni tope ang akusasyon sang lalaki pero ginpahayag sini nga ginsulok-sulok siya kag ginsumbag pa sa likod.

Suno pa kay Tope, ginyaguta pa sila sang suspek nga mga agi.

Ginpa-blotter ni alyas Tope ang natabu sa Police Station 1. (JoMaque)