Ginatos ka mga pasahero sang Ceres bus, na-stranded sa ila terminal sa Buhang Jaro

Iloilo City — Na-stranded ang ginatos ka mga pasahero sang Ceres buses sa ila terminal sa Buhang Jaro kaina sang aga bangud lunsay puno ang depasahero nga mga jeep halin sa Tagbak Terminal.

Napilitan ang mga pasahero sang Ceres nga magsakay pabalik sa Tagbak agud nga makasakay sa jeep pasulod sa syudad.

Pasado alas-8 kaina sang aga, madamo pa sang pasahero nga nagahulat sa guwa sang Vallacar Transit Terminal.

Kalabanan sa mga pasahero ang mga estudyante kag mga nagatrabaho sa syudad. (JoMaque)