Congressional candidate sa syudad-Atty. Dan Cartagena, nagpa-athag kon nga-a wala nagpirma sa peace covenant sang mga nagapadalagan para sa Mayo 9 nga eleksyon

Iloilo City–Nagpa-athag si Atty. Dan Cartagena, kandidato sang United Nationalist Alliance (UNA) sa pagka-kongresista sa lone district sang syudad para sa Mayo 9 nga eleksyon bunggo kay incumbent Congressman Jerry Treñas, kon nga-a wala siya nagpirma sa peace covenant sang Martes.

Para kay Cartagena, mangin wala sang pulos ang pagpirma sa peace covenant KON indi man lang pagtumanon sang kandidato. Nagtambung lang si Cartagena sa misa sa St. Anne Parish sa Molo sa diin ginhiwat ang peace covenant signing pero nagpauli ini sang ginhimo na ang pirmahanay sang mga kandidato sa syudad para sa eleksyon.

Ginpahayag ni Cartagena nga insulto pa ang iya pagpirma kon indi man lang pagtumanon sang iya kasumpong ang ginpirmahan nga covenant. Gin-akusaran sini ang kasumpong sa pulitika nga wala sang plano nga magsunod sa covenant.

Lakip sa mga kondisyon sa peace covenant ang paglikaw sa vote buying kag pagsunod sa election laws. (Aine Grace Bravo)