UPDATE: Traffic Aide Benjamin Gequillana nga nadakpan sa drugbust operation sa Oton, ginkakas na sa trabaho ni TMTRO head Donna Acap

Iloilo City–Gin-terminate ni Transportation Management and Traffic Regulation Office (TMTRO) Head Donna Acap ang traffic aide nga nadakpan sa drugbust operation sang Oton police.

Ginkumpirmar ini ni Acap kadungan sa paghambal nga wala nanugon ang syudad sa pagkakas kay Traffic Aide Benjamin Gequillana sang Sta. Cruz, Arevalo. Suno kay Acap, indi na kinahanglan nga mag-agi sa due process ang pag-terminate kay Gequillana bangud bastante ang ebidensya sang Oton police batuk sa iya.

Nadakpan si Gequillana sang Marso 1 sang gab-i kag nakuhaan sang duha ka sachets sang suspected shabu kag mga drug paraphernalia. Ginpanginwala naman sang traffic aide nga nagabaligya siya sang illegal drugs.

Si Gequillana nga assigned sa Sambag tubtob Ungka Terminal area ang pasakaan sang kaso nga pagbaligya sang ilegal nga druga. (Aine Grace Bravo)