Indi patas nga pagpatuman sang checkpoint, na-obserbahan man ni IPPO Director PSSUPT Roderick Augustus Alba

Iloilo–Ginsegundahan ni Iloilo Police Provincial Office (IPPO) Director PSSUPT Roderick Augustus Alba ang obserbasyon sang kadam-an sa indi patas nga pagpatuman sang checkpoint.

Suno sa iya, bisan siya ang naka-obserbar man nga mas natutukan sa checkpoint ang mga naka-motorsiklo kag daw ginapabay-an lang ang mga sakay sa pribado nga salakyan. Pero iya gin-athag nga indi nila mapuwersa ang mga pribado nga salakyan nga magbukas gid ukon magpanaug bangud plain view lang ang ginapatuman sang kapulisan.

Sang damlag lang, sunud-sunod ang insidente sa mga kabanwahanan sa probinsiya kag isa sa mga dapat pabaskugon suno kay Alba amo ang mga ginapahamtang nga checkpoint. (Aine Grace Bravo)