4 ka magpakaisa, patay sa aksidente sang motorsiklo

San Rafael, Iloilo–Patay ang apat ka magpakaisa sang nagsuhot sa truck nga may karga nga tubo ang ginasakyan nga motorsiklo sa Brgy. Cala-igan, San Rafael kahapon.

Gindala pa sa ospital ang mga biktima nga sanday Edward Acutan, 23-anyos kag driver sang motorsiklo; Wilbert Acutan, 19l Artchan Barbecho, 19 kag Jino Bedoy, 20, lunsay mga residente sang Barangay Milan, Lemery pero wala natabangan.

Wasak gid ang motorsiklo sang nakabunggo sa  truck nga ginamaneho ni Eduardo Manija, 54-anyos sang Antique kag nagsurrender man sa mga pulis.

Nagapauli na ang mga biktima halin sa ginpamiestahan nga barangay sa Barotac Viejo sang natabu ang aksidente. (Aine Grace Bravo)