Indian, pilason matapos gintiro sang riding-in-tandem sa Oton

Oton, Iloilo–Pilason ang Indian nga gintiro sang riding-in-tandem sa Barangay San Antonio, Oton kagab-i.

Ginkilala ang biktima kay Mandeep Singh, 30-anyos sang Provindence Subdivision sa Pavia. May igo ini sa kilid kag paa kag na-operahan na sa ospital.

Ginapatihan nga ginsundan ang biktima halin sa pagpanukot sini sa banwa. Apat ka mga lupok ang nabatian antes nakit-an si Singh nga duguon. (Aine Grace Bravo)