Lalaki, nasapwan nga patay na sa sulod sang payag sa Lanit Jaro

Iloilo City — Indi pa makapat-od ang mga pulis kon bala bangungot ang gintunaan sa kamatayon sang 35-anyus nga lalaki nga nasapwan sa payag sa Barangay Lanit, Jaro kaina sang hapon.

Kasunod ini sang nakit-an nga pilas sa ti-il sang biktima nga si Celso Oneal sang Medina, Anilao kag temporaryo nga nagapuyo sa Barangay Lanit.

Suno sa tiyo ni Oneal nga si Lidio Apil, nag-inom inom sila kagab-i sang whisky sa ila balay kag nagpasalig ini nga magkadto kaina sang aga agod magbi-al sang kahoy apang wala na nakabalik.

Nakit-an na lang ni Lidio si Oneal nga nagabarikotot sa payag sang nagpanglawig sang iya karabaw sa talamnan kaina sang hapon. (JoMaque)