22-anyos nga lalaki nga gintudlo naghurikap sa dughan sang menor-de-edad, nag-sorry sa biktima

Iloilo City — Nagsorry si Rony Banecio, 22 sang Antique pero temporaryo nga naga-istar sa Lopez Jaena La Paz, sa menor-de-edad nga gin-alegar ginhurikap sini sa dughan samtang nagakatulog kaina sang kaagahon.

Pero bisan nagahilibiun nga naga-sorry, ginpanindugan ni Banecio nga wala sang kamatuoran nga ginhurikap niya si alyas Nene, 15 anyos. Gin-ako naman ni Banecio nga naka-inom siya.

Suno sa tagreklamo, nagakatulog siya kaupod ang iya mga manghod sang nabatyagan nga ginahurikap kag nabugtawan si Banecio gani nga nagsinggit ini.

Nakabugtaw ang magulang nga lalaki ni Nene nga naglagas kay Banecio pero nakapalagyo ini.

Nakita si Banecio nga nagapatulog-tulog sa gina-istaran nga balay.

Preso gihapon ini sa karsel sang La Paz police station. (JoMaque)