Pulis nga assigned sa Capiz Provincial Anti-Illegal Drug Special Operations Task Group, arestado matapos nadakpan nga naga-escort sa wanted nga drug personality

Capiz–Arestado ang pulis nga assigned sa Capiz Provincial Anti-Illegal Drug Special Operations Task Group ukon PAIDSOTG matapos nadakpan nga naga-upod upod sa wanted nga drug personality sa probinsya.

Indi magpati si Capiz Pprovincial Police Office Director PSSUPT Robert Rodriguez nga wala sang ideya si PO2 Jose Delgado kon sin-o ang gina-updan nga tawo bangud trabaho sini ang mangdakop sang mga durugista. Gina-establisar man sang CPPO kon ano na kalawig nga naga-upod upod si PO2 Delgado sa durugista nga si Joliter Candelario, 30-anyos sang Brgy. Mongpong, Roxas City.

Ginmanduan na ni Rodriguez si Supt. Luther Lugo, hepe sang Roxas City Police Office, nga pasakaan sang kaso kriminal kag administratibo si PO2 Delgado.

Na-aresto ang pulis sang ginserbihan sang warrant of arrest si Candelario sang Sabado sang gab-i sa Roxas City sa kaso nga paglapas sang Dangerous Drugs Act. (Aine Grace Bravo)