UPDATE: Kapulisan, may natumod na nga mga suspek sa pagpatay sa HR supervisor sang Taytay sa Kauswagan, Inc

Iloilo–May mga suspek na nga natumod ang Iloilo Police Provincial Office sa pagpatay kay Lea Sorongon-Pasamonte sang Pototan kag HR supervisor sang Taytay sa Kauswagan, Inc.

Base ini sa pahayag sang mga testigo nga na-istorya sang Pototan police kasunod sang pagkasapo sang bangkay ni Pasamonte sa maligwin nga parte sang Barangay Taslan, Dumarao, Capiz sang Biernes Santo. Suno kay IPPO Director PSSUPT Roderick Augustus Alba, indi magsobra sa duha ang mga suspetsado sa krimen.

Nagpamalibad na si alba sa pagdetalye agud indi ma-apektuhan ang imbestigasyon sa krimen. Gin-autopsy ang bangkay sang biktima agud mahibaluan kon ginhimuslan ini antes ginpatay matapos nasapwan nga nabatak paibabaw ang iya palda kag wala na sang underwear.

Kaupod sang IPPO sa pag-imbestigar sa krimen ang Capiz Police Provincial Office, NBI kag CIDG. (Aine Grace Bravo)