34-anyos nga lalaki sa Janiuay, nakuhaan sang pusil kag illegal drugs!

Iloilo — Nakuhaan sang pusil kag illegal drugs ang 34-anyos nga lalaki sang ginserbihan sang search warrant sa ila balay sa DJ Abordo Street, Janiuay.

Nadakpan si Kent Cervantes sang gintingub nga puwersa sang Provincial Special Operations Task Group, Regional Public Safety Battallion kag Janiuay police.

Narecover sa balay ni Cervantes ang 45 caliber pistol, mga magazines, 5 ka mga bala kag 14 ka plastic sachet sang suspected shabu.

Priso na si Cervantes sa karsel sang Janiuay Police Station. (JoMaque)