Lone District Cong. Jerry Treñas, nag-comply sa tikang sang PRO 6 nga butangan sang tape ang kanyon sang pusil sang iya mga bodyguard pati na ang mga lisensyado niya nga pusil

Iloilo City — Wala na nagpamalibad si City Lone District Cong. Jerry  Treñas sa tikang sang Police Regional Office 6 nga butangan sang tape ang kanyon sang pusil sang mga kandidato.

Kabahin ini sang malinong kag matawhay nga eleksyon sa Mayo 9.

Ginpahibalo ni Treñas nga naka-comply siya matapos ginkadtuan sang mga police sa iya balay kahapon.

Nabutangan na sang tape suno sa iya ang kanyon sang pusil sang iya mga bodguard lakip na ang iya mga license firearms.

Pabor gid ang kongresista sa tikang sang PRO 6 agud masiguro nga matinlo kag malinong ang pinili-ay sa syudad.  (JoMaque)