Mga Police Stations sa Probinsya nga may Maayo nga Performance, Ginpasidunggan sang IPPO!
Iloilo–Apat ka mga awards ang nakuha sang Dumangas Police Station sa Pagdayaw Awards 2016 sang Iloilo Police Provincial Office sa Casa Real de Iloilo kahapon.
Ginalakipan ini sang Best in Investigation, Best in Operation, Best in Police Station lakip na ang Special Award for Highest Accomplishment sa accounted loose firearms.
Pila sa mga unit awardees ang New Lucena Police Station bilang Best in Administration; Best in Intelligence ang Pototan Police Station; Best in Police Community Relation ang Dueñas; Best in Women and Children Protection Desk ang Batad; kag Best Maneuver Platoon ang 3rd Maneuver Platoon sa Janiuay. Ang mga awardees naman para sa special awards for highest accomplishment ginalakipan sang Zarraga Police Station para sa arrested wanted persons; Estancia Police Station para sa anti-illegal drug operations kag Concepcion Police Station para sa anti-illgeal gambling operation.
Ang awarding ceremony ginpangunahan ni IPPO Director PSSUPT Roderick Augustus Alba kag nangin dinapit nga bisita si Governor Arthur Defensor. (Aine Grace Bravo)