Iloilo Police Provincial Office, may Ginabantayan pa nga iban nga Banwa nga may Intense political rivalry

Iloilo — May ginabantayan pa nga iban nga banwa ang Iloilo Police Provincial Office (IPPO) magluwas sa Alimodian kag San Enrique.

Apang nagpamalibad si IPPO Director SSUPT Roderick Augustus Alba nga hingadlan ang mga kabanwahan nga may intense political rivalry.

Plano sang IPPO nga mag-deploy sang dugang nga mga pulis sa sini nga mga banwa agud mapunggan ang anuman nga kalakasan.

Gin-athag man ni Alba nga indi pa madeklarar sang Comelec nga election watchlist areas ukon EWAS ang Alimodian kag San Enrique samtang gina-imbestigaran sang IPPO kon bala election related ang natabu.

Una dire, nagreklamo ang grupo ni Alimodian Mayor Calay Alonsabe bangud sa ginpahayag pagpalupok sang pusil sa ila kag pagbangga sang mga armado nga lalaki nga naka-bonnet.

Ginreport man ang ginpahayag pagtaya sang pusil sang close-in bodyguard ni San Enrique Mayor Ramona Palabrica-Go sa driver ni anay Mayor Trixie Fernandez.  (JoMaque)