Regular Session sang Sangguniang Panlalawigan, Wala Nadayon Bangud Kulang sa Quorum

Iloilo–Wala nadayon ang session sang Sangguniang Panlalawigan kahapon bangud wala sang quorum.

Bangud sini, wala natalakay ang importante nga mga isyu pareho ang pagdeklarar sang state of calamity sa probinsya bangud sa epekto sang El Niño phenomenon.

Base sa record sang SP secretariat, lima lang sa 12 ka mga miembro sang provincial board ang nag-abot nga ginalakipan nanday BMs Carmenrita Monfort-Bautista, Emmanuel Gallar, Licurgo Tirador, June Mondejar kag Demy Sonza.

Absent naman sanday Vice Gov. Raul Tupas kag BMs Ninfa Garin, Dennis Valencia, Shalene Palmares-Hidalgo, Bongbong Tupas, JR Salcedo, Liga President Jeneda Salcedo-Orendain kag PCL President Paulino Pari-an. (Aine Grace Bravo)