August 15, 2022

City Councilor R. Leone Gerochi, Nag-athag nga Permit kag Indi Partnership sa Syudad ang Kaundan sang MOA nga Ginpirmahan ni Mayor Jed Patrick Mabilog kag South Balibago Water Resources, Inc.

Read Time:48 Second

Iloilo City–Indi partnership sa tunga sang City Government kag South Balibago Water Resources, Inc. ang ginpirmahan nga Memorandum of Agreement para sa water distribution sa Jaro.

Gin-athag ni Councilor R. Leone Gerochi, chairman sang Committee on Public Utilities sa City Council, nga permit lang ang ginhatag sa South Balibago agud nga maka-distribute sang tubig sa Jaro ilabe na sa mga subdivisions nga wala gina-serbisyuhan sang Metro Iloilo Water District. Wala sang investment ang City Government sa ginpirmahan nga MOA apang nasaad dire nga sa ikaapat ka tuig nga operation sang water distributor, sukton ini sang piso kada cubic meter.

Indi na kuntani kinahanglan magpasar sang ordinansa ang City Council nga nagahatag sang franchise sa South Balibago bangud yara na sa MOA ang mga terms and conditions. Apang nagsuhestyun suno kay Gerochi ang iban nga konsehal nga magpasar gid sang ordinansa. Magluwas ini sa ginhatag nga authority kay Mayor Jed Patrick Mabilog nga magpirma sa MOA. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Security Guard, Natiruhan ang Iya Kaugalingon!
Next post Mga kandidato sa pagka-mayor sa Alimodian, nangin Mainit ang Pagsabtanay sa Candidates’ Forum sang Aksyon Radyo Iloilo kag UP sa Halalan 2016