Tatlo ka adlaw nga Local Absentee Voting, nagsugod na

Iloilo — Nagsugod subong nga adlaw ang local absentee voting suno kay Provincial Comelec Supervisor Atty Will Arseño.

Pa-athag ni Arseño, sakup sang local absentee voting ang mga rehistrado nga botante nga miembro sang Armed Forces of the Philippines, Philippine National Police, Philippine Coast Guard, media kag bisan mga taga-Comelec nga wala sang tiun sa pagboto sa Mayo 9.

Pero dapat naka-apply sa gintalana nga fetsa agud maka-avail suno kay Arseño.

Gin-athag sini nga natapos na ang deadline sa application bangud period na subong sang botohay.

Ang local absentee voting gintalana sa Abril 27 tubtob 29.

Sa local absentee voting, halos pareho ang setting suno kay Arseño sa regular nga binotohay.

Pero manual ang pagboto kag gina-mail ang balota sa central office. (JoMaque)