Chairman sang Committee on Transportation sang City Council, Nagpa-athag nga Emergency Case ang Ordinansa sa Pagsirado sang Dalanon sa Palibot sang LP Grand Rally Venue Kahapon

Iloilo City–Emergency case lang ang pag-aprobar sang ordinansa sa road closure para sa grand rally sang Liberal Party sa Plazoleta Gay area kahapon.

Paathag ini ni Councilor R. Leone Gerochi, chairman sang Committee on Transportation sang City Council, sa pagkuwestyun nanday Councilors Joshua Alim kag Plaridel Nava nga ginsiraduhan ang mga dalan nga wala ginsunod sang probisyon sang ordinansa. Suno kay Gerochi, ipit na sila sa tiempo bangud sa hapon na ang rally gani ginhingagaw ang pagpa-aprobar sang ordinansa kahapon sang aga. Apang ginpahibalo man suno sa iya ang mga negosyante sa palibot sang Plazoleta Gay area kag nagpangayo sang rerouting plan sa TMTRO agud makapangaman ang mga commuters kag motorista.

Una dire, ginpabutyag nanday Alim kag Nava nga gin-una pa ang pagpasirado sang karsada sang sa pag-aprobar sang ordinansa kag wala nasunod ang lima ka adlaw nga publication. (Aine Grace Bravo)