Final Testing kag Sealing sang Vote Counting Machine sa Iloilo Central Elem. School, Nagmadinalag-on
Iloilo City — Nagmadinalag-on ang final testing kag sealing sang vote counting machines sa Iloilo Central Elementary School kahapon.
Ginpahayag ni Niel Niervo sang Barangay Danao City Proper kag miembro sang board of election inspector nga wala sang aberya sa VCM sang nag-testing sa pagboto ang 10 ka mga botante.
Ginpakita sa mga botante suno kay Niervo nga sa paggulo sang balota sa VCM nagaguwa gilayon ang resibo kag makita ang ginboto nga mga kandidato.
Hayag ang final testing kag sealing sang VCM suno kay Niervo bangud ginabantayan sang mga watchers sang nagkalain-lain nga partido.
Magapabilin ang VCM sa Iloilo Central Elementary School agod gamiton sa Mayo 9 nga eleksyon.
Ginpasalig ni Niervo nga yara sa safe nga lugar ang VCM kag ginabantayan sang mga otoridad. (Nemesio Martirez)