Former Calinog Mayor Salvador Divinagracia, Nagreklamo nga Gintiro ang iya Grupo sang Volunteer sang Kasumpong sa Pulitika

Calinog, Iloilo–Gintiro ang mga supporters ni Mayoral Candidate Salvador Divinagracia sa barangay Alibunan kagab-i.

Nakapanaug lang sa iya van si Divinagracia upod sa iya mga supporters sang gulpi lang gintiro sang ginatudlo supporters ni incumbent Mayor Alex Centena nga nagasakay sa tatlo ka motorsiklo. Wala naigo ang mga supporters ni Divinagracia bangud nagpalibud sa van rason naigo ang likod nga parte kag side mirror sang salakyan.

Ginatudlo ni Divinagracia nagpangamot sa insidente si Tomas Lozada, volunteer sang Bantay Gubat. Nanindugan naman si Mayor Centena nga indi si Lozada ang nagpaniro kundi ang grupo ni Divinagracia. Gintawag pa ni Centena nga desperado si Divinagracia bangud nahibaluan sini nga mapierde ini sa eleksyon. (Aine Grace Bravo)