FB post ni Councilor Plaridel Nava angut sa Nabaton nga Impormasyon sang Pagkadtu sa Davao City sang Grupo sang mga Tawo upod kay Melvin Odicta, Naglapta sa Social Media

Iloilo City — Naglapta sa social media ang FB post ni Councilor Plaridel Nava nga nakabaton ini sang impormasyon tuhoy sa grupo sang mga tawo nga nagkadto sa Davao City upod kay Melvin Odicta alyas Dragon, ang ginkilala ni PDEA 6 Director Paul Ledesma nga lider sang drug group sa Iloilo.

Suno kay Nava, gin-identify sang iya source ang mga tawo nga malapit sa campaign team ni Mayor Rodrigo Duterte nga sanday certain Gimeo,Zzerrudo kag isa ka Boboy.

Ginpahayag ni Nava nga gilayon niya ginpabalo ang grupo ni Duterte nga i-verify ang impormasyon bangud may malain ini nga epekto para sa presumptive president-elect kon matuod.

Maka-alarma ang impormasyon suno kay Nava gani nagapakig-angut siya sa grupo ni Duterte agud masiguro nga indi makapalapit si Odicta kay Duterte.

Kon matabu ini, posible suno kay Nava nga indi gid matuman ni Duterte ang iya promisa nga mahagan-hagan ang illegal drugs sa sulod sang tatlo tubtob anum ka bulan sang iya pagpungko. (JoMaque)