Entertainer sa Club sa City Proper, nagpapreso sang iya Kaupod sa Trabaho nga Naglampos sa iya sang Botelya!

Iloilo City — Ginlampusan sang botelya ang entertainer sa club sang iya kaupod sa trabaho kaina sang kaagahon.

Suno kay alyas Angel, may gin-istorya siya sang nagkuha si Charmae Miraviles, 21 anyos sang Mambiranan Pequiño Passi City sang botelya sang beer kag ginlampusan siya.

Napilasan si Angel sa ulo, mata kag ilong kag nagpabulong sa West Visayas State University Medical Center.

Ginpapreso naman ni Angel ang suspek sa karsel sang police station 1.

Gin-akusaran pa ni Angel si Miraviles nga bangag sa illegal drugs rason nga ginlampusan siya sang botelya. (JoMaque)