IPPO Director PSSUPT Roderick Augustus Alba, Nagbuyagyag nga May Tatlo ka Illegal Drug Groups sa Probinsya

Iloilo–Ginbuyagyag ni Iloilo Police Provincial Office (IPPO) Director PSSUPT Roderick Augustus Alba nga may tatlo ka mga illegal drug groups nga naga-operate sa probinsya.

Ginalakipan ini sang Prion Group nga nagsaylo sa illegal drug trade halin sa criminal activities; Balome Group  kag Bolivar Group. Sa intelligence report sang IPPO, ang Prion Group suno kay Alba naga-operate sa 3^rd kag 4^th districts; sa 5^th district ang Balome Group kag ang Bolivar group sa 3^rd district. Gina-imbestigaran na sang IPPO kon involved man ang tatlo ka mga grupo sa shooting incident sa Balasan antes ang Mayo 9 nga eleksyon.

Ginkumpirmar man ni Alba ang presensya sang duha ka criminal gangs nga  naga-engage sa mga illegal activities sa probinsya. (Aine Grace Bravo)