PDEA 6 Director Paul Ledesma, Ginreklamo sang Barangay Kagawad!

Iloilo City–Ginreklamo sang barangay kagawad sang Veterans Village, City Proper si PDEA 6 Director Paul Ledesma.

Suno kay Barangay Kagawad Ma. Nenita Hualde, ginhambalan siya ni Ledesma nga hambalan ang iya bana nga si Romeo Hualde nga indi magpakilala nga taga-PDEA. Ginpahayag sang kagawad nga nagatrabaho nga prison guard sa PDEA 6 ang iya bana kag may ginpakita man nga job order kay Ledesma. Pero nagpabutyag si Ledesma suno sa iya nga indi matuod ang order.

Natabu ini suno kay Hualde matapos ang diskusyun sang PDEA kaupod ang mga katapo sang barangay anti-drug abuse council sa Veterans Village tuhoy sa drug clearing activities sang weekend. (Aine Grace Bravo)