UPDATE: Collector sang Lending Company nga Gin-updan sang Run-away Bride sa Capiz, Ginreklamo nga Nagpalagyo man sang Koleksyon sang Ila Kompaniya!

Sapian, Capiz–Ginpalagyo sang collector sang lending company ang koleksyon sang kompaniya antes nangindulaan upod sa bag-o kasal nga babaye sa Barangay Bilao, Sapian, Capiz.

Suno kay Mr. Alex Locut, branch manager sang Provider Lending Company nga naka-base sa Passi City, gindala sang ila collector nga si alyas Roy, 28-anyos sang Misamis Occidental, ang P10, 000 nga koleksyon sa pautang sang kompaniya. Nagapati si Locut nga gingasto ni Roy ang koleksyon sa pagpalagyo kaupod kay alyas Maria nga nag-upod sa iya bisan bag-o lang nakasal kay alyas Pedro.

Wala na naka-duty si Roy suno kay Locut kag indi naman ma-contact ang iya cellphone number. May impormasyon nga nagpauli sa Mindanao ang collector kaupod kay Maria.

Ginahulat ni Locut ang desisyon sang mataas nga pamunuan sang kompaniya kon kasuhan si Roy nga ginpahayag nagbilin man sang linibo nga utang sa iya masobra isa ka tuig nga pagtrabaho. (Aine Grace Bravo)