Kaso sang Dengue sa Probinsya, Nagsaka sang 170%

Iloilo–Naghabok sang 170 porsyento ang kaso sang dengue sa probinsya sa una nga apat ka bulan subong nga tuig.

Base sa record sang Provincial Health Office (PHO), nagalab-ut sa 677 ang kaso sang dengue sa 42 ka banwa kag isa ka component city sa probinsya halin Enero tubtob Abril, 2016. Mas mataas ini sa 218 ka kaso nga narecord sa kapareho nga period sang nagligad nga tuig.

Suno kay Provincial Health Officer 1 Dr. Ma. Socorro Quiñon, may tatlo ka napatay base sa ila record.

Lakip naman sa may pinakamataas nga kaso sang dengue ang Sta. Barbara, Passi City, Calinog, Oton, Pototan, Pavia, Tigbauan, Sara, Miag-ao, Cabatuan kag San Miguel. (Aine Grace Bravo)