UPDATE: Operation’s Manager sang Holland Water Refilling Station, Nabaton na ang Sulat sang Syudad Tuhoy sa Isyu sang Water Delivery

Iloilo City— Nabaton na sang operation’s manager sang Holland Water Refilling Station ang sulat nga ginpadala ni City Legal Officer Dan Dinopol.

Suno kay Joan Pamplona, wala pa siya kahibalo kun ano ang mangin reaksyon sang tag-iya sang Holland Water kon mabasa na ang sulat. Indi ma-athag suno sa iya ang nasaad sa sulat kon terminated na ukon wala ang kontrata nila para sa water delivery sang mga apektado nga barangay. Nabutang lang sa sulat nga indi na pagpadayunon sang city government ang water acquisition sa Holland Water.

Bangud sini, palaligban sa publiko kon ano ang matuod nga tindog sang syudad sa status sang kontrata sang Holland Water. (Aine Grace Bravo)