UPDATE: Nagpatay sa 2 ka Supporters sang Pulitiko sa Estancia, Ginkasuhan na!

Balasan, Iloilo–Ginapatihan nga isa lang ka grupo ang nagtiro patay sa duha ka supporters ni Estancia Mayoralty Candidate Melina Requinto sa Barangay Pani-an, Balasan sang Mayo 8.

Pahayag ini ni PSINSP Samuel Vipinosa, hepe sang Balasan Police Station, kasunod sang pag-file nila sang kaso pito ka na-indetify nga mga suspek nga nagpatay kanday Ronaldo Estandarte sang Bayuyan, Estancia kag Roberto Magarso sang Passi City. Indi pa matumod ni Vipinosa ang pangalan sang grupo sang mga suspects nga ginalakipan nanday Federico Balume alyas Master Pedic, Junjun Cordero, Chris Perlas, Allen Francisco, Francis Balume, Turing Balume kag Ramie Balume.

Sa pahayag sang mga testigo, naga-egsister ang grupo sa Estancia kag ginpahayag mga tinawo ni incumbent Mayor Rene Cordero. Gin-ako ni Vipinosa nga wala sila sang mabakod nga ebidensya ukon testimonya nga makapamatuod nga konektado ang grupo sa alkalde. (Aine Grace Bravo)