Bids and Awards Committee sang Syudad, may Administrative nga Salabton kon indi Mapaathag ang Paghatag sang Kontrata sa Holland Water Refilling Station para sa Water delivery

Iloilo City — May administrative nga salabton ang bids and awards committee sang syudad kon indi ma-justify ang paghatag sang kontrata sa Holland Water Refilling Station sa pagdeliver sang tubig sa mga barangay nga apektado sang el niño.

Bisan nga ginpa-untat na sang syudad ang water delivery, indi makalusot ang BAC sa isyu kon ngaa gin-award sa Holland water ang kontrata ilabe na kon mapamatud-an nga wala sila sang kapabilidad.

Sa pagkamatuod suno kay Councilor Joshua Alim, mahimo man madala sa reklamo sa Ombudsman ang Holland water bisan pa nga pribado ini nga kompaniya.

Ginahulat pa sang city council suno kay Alim ang sabat sang BAC kag Holland water sa resolution sang konseho nga nagapangayo sang paathag sa isyu.

Sang damlag lang, nagsulat ang syudad sa Holland water nga nagapabalo nga ginapa-untat na ang water delivery bangud pasulod na ang rainy season kag may supply naman halin sa MIWD.

Bisan ginpanindugan sang Holland water nga nakadeliver sila, baliskad ini sa reklamo sang madamo nga mga barangay officials.

Bisan ang CDRRMC paagi kay Darwin Papa ang nagpahayag nga wala sang gina-uyatan nga delivery receipt nga makapamatuod nga nakadeliver sang tubig ang Holland water. (JoMaque)

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %