3 ka mga Barangay nga Seriously Affected sang Illegal Drugs, Wala pa nakasumiter sang BADAC Report sa PDEA 6

Iloilo City — 174 na ka mga Barangay Anti-Drug Abuse Council ukon BADAC report sa syudad ang nakakab-ot sa Philippine Drug Enforcemnt Ageny ukon PDEA-6.

Mas mataas ini sa 169 ka mga BADAC reports nga ginsumiter sa city Department of Interior and Local Government ukon DILG.

Gin-athag ni PDEA-6 Director Paul Ledesma nga may mga Punong Barangay nga direkta nga nagapasa sa ila sang BADAC report gani wala nagapareho ang record nila sa city DILG.

Sa anum ka mga brgy nga wala nakasumiter sang BADAC report, tatlo dire suno kay Ledesma ang makabig nga serious-affected nga ginalakipan sang Bakhaw, Mandurriao, Desamparados, Jaro kag Monica-Blumentritt, City Proper.

May duha pa ka barangay sa waterfront areas kag isa sa Mandurriao ang wala pa nakapasa sang BADAC report. ( Nemesio Martirez)