Kadam-an sang mga Pumuluyo sa Syudad, pabor sa Pamaagi sang Tanauan City Batangas nga Pagparada sa mga Drug Pushers nga Ginsunod sa Flores de Mayo bilang Paagi sa Pagtapna sa Illegal nga Druga

Iloilo City — Pabor ang kadam-an sa mga napamangkot sang Aksyon Radyo Iloilo sa pamaagi sang Tanauan City sa Batangas sa pagtapna sang illegal nga druga sa amo nga lugar.

Para sa mga taga-La Paz Public Market nga ginlibot sang reporter sang Aksyon Radyo Iloilo, pabor sila sa pagparada sa mga drug pushers sa Tanauan nga ginsunod sa Flores de Mayo nga ginahiwat sa kada bulan sang Mayo.

Gintawag ini nga Flores de Pusher sa diin may mga arko pa ang kada pusher nga nagaparada.

Suno kay Marci, salot sa sosyodad ang mga drug pushers kag nagakabagay lang sa ila ang pagpaparada sa ila sa dalanon.

Suno naman kay Dandy, maayo ang amo nga pamaagi para makamarasmas man sila sa kalainan nga ila ginahimo.

Nagpahayag nga paagi sa pag-prusisyon sa mga pushers, mahuy-an ang mga ini kag makabatyag sang kahadlok kag posible mag-untat na sa pagbaligya sang ginadumilian nga druga. (JoMaque)

(Photo from Inquirer)