Babaye, Gintuyo nga I-rape sang iya Pakaisa nga ginpahayag Na-adik sa Illegal nga Druga sa Arevalo!

Iloilo City — Nagahilibiun samtang nagapamatak kag nagapalagyo ang babaye nga gintuyo himuslan sang iya pakaisa nga ginpahayag na-adik sa illegal nga druga sa Arevalo.

Suno sa tagreklamo, nagdangop sa ila ang iya pakaisa matapos ini nagpalagyo sa ila balay bangud naakigan.

Bangud nagakabalaka, ginpadayon sang babaye sa ila balay ang pakaisa kag ginhatagan pa sang folding bed nga iya matulugan.

Sang kaagahon na, nabatyagan sang babaye nga may nagasampaw sa iya pero nagdumdom ini nga ang iya live in partner ini.

Amo na lang ang iya kakibot sang namulalungan nga iya pakaisa ang nagahimo sang kabastusan sa iya.

Bangud sini nagdalagan pagguwa sa iya balay ang babaye kag nagreklamo sa police station. Nakapalagyo ang suspetsado. (JoMaque)