Cong. Jerry Treñas, Nag-athag nga Naglisensya sa Liberal Party Antes Nagsaylo sa PDP-Laban

Iloilo City–Naglisensya si Iloilo City Lone District Rep. Jerry Treñas kanday Presidente Noynoy Aquino, former DILG Secretary Mar Roxas, Senate President Franklin Drilon kag House Speaker Sonny Belmonte sa iya nga pagsaylo sa PDP-laban halin sa Liberal Party.

Gin-athag ni Treñas nga ginasiguro lang niya nga ma-atipan sang maayo ang kinahanglan sang mga pumuluyo sa syudad. Lain suno sa iya ang dynamics sa kongreso kun makaupod siya sa mayoriya bangud lain man ang pagtratar kun yara siya sa minority gani nagtipyok siya sang partido.

Magluwas sini, indi man niya mabalibaran si incoming House Speaker Pantaleon Alvarez nga fraternity brother niya kag nakaupod sa Ateneo Law School. (Aine Grace Bravo)