Executive Assistant for Dengue Concern ni Mayor Jed Patrick Mabilog, Ginkasuhan sa Ombudsman!

Iloilo City–Nagapangatubang sang kaso sa Ombudsman ang Executive Assistant for Dengue Concern ni Mayor Jed Patrick Mabilog.

Ginkasuhan ni columnist Manuel Mejorada si Patrick Alan Sy bangud sang kapaslawan sini nga magsumiter sang iya statement of assets, liabilities and net worth ukon SALN. Sa duha ka pahina nga complaint, ginpahayag nga ginlapas ni Sy ang Code of Conduct and Ethical Standards for Public Officials and Employees bangud sa kapaslawan nga magfile sang iya SALN sang 2011, 2012, 2013 kag 2014.

Ginclaim ni Mejorada nga liable si Sy sa criminal kag administrative nga aspeto bangud sa iya ginhimo bisan pa requirement sa public officials kag employees ang pagreport sang ila financial status samtang employed pa sa gobyerno. (Aine Grace Bravo)