UPDATE: 3 Million Pesos nga Budget sa Water Delivery sa mga Barangay nga Na-apektuhan sang El Niño, Safe pa Suno sa City Treasurer

Iloilo City–Nagpanindugan ang City Disaster Risk Reduction and Management Council nga indi mag-isyu sang certification sa Holland Water Refilling Station kon wala  naka-comply sa mga requirements.

Suno kay CDRRMC Secretariat Darwin Papa, wala sang certification kon wala sang delivery receipt nga isumiter ang Holland Water.         Ang delivery receipt ang pamatuod nga naka-deliver sang tubig ang Holland Water sa mga barangay nga apektado sang El Niño.

Lakip man sa ginapangayo nga papeles sang CDRRMC ang certificate of acceptance sang mga punong barangay nga nagapamatuod nga gin-rasyonan sang tubig sang holland water ang ila lugar.

Ginpasiguro naman ni City Treasurer Katherine Tingson nga yara pa sa bangko ang P3 million nga pondo kag wala pa nabayaran ang Holland Water. (Aine Grace Bravo)