Driver ni City Councilor Candice Tupas, Nadakpan sa Buybust Operation

Iloilo City–Nagreklamo ang asawa sang lalaki nga ginpick up sang nagpakilala mga intelligence operatives samtang nagalakat sa atubang sang Jaro Cathedral kagab-i.

Upod ni Gino Ngo sang Lapuz ang asawa nga si Aileen sang gulpi lang sila ginpadulugan sang salakyan kag gindakop ang iya bana. Ginpahayag ni Aileen nga wala sila napa-athagan sang rason kon ngaa gindakup ang iya bana.

Pero suno kay PSINSP Marlon Valencia sang Jaro Police Station, nadakpan nila sa buybust operation si Ngo kag nakuhaan sang walo ka sachets sang suspected shabu. Si Ngo ang driver ni City Councilor Candice Tupas suno sa iya asawa. (Aine Grace Bravo)