November 28, 2021

Pulis sa Pavia, Ginreklamo sang Manug-ihaw sang Baboy nga Nagsinggit kag Nagabot sang Pusil

Read Time:57 Second

Iloilo City–Ginreklamo sang manug-ihaw sang baboy ang pulis sa Pavia Police Station nga nagsinggit sa iya kag nagabot pa sang pusil.

Suno kay Leovigildo Larroza Jr, 23-anyos sang Tigum, Pavia, nagbisita siya sa iya utod nga hubog nga gindetain sa police station Domingo sang gab-i. Pero ginpahayag nga ginsinggitan siya ni PO3 Gilbert Galupar nga kuhaon ang iya motorsiklo nga gin-park sa guwa sang police station.

Suno pa kay Lginsabat niya ang pulis nga hambalan siya sang matawhay kag indi lang pagsinggitan kon sala ang iya pag-park pero gingabutan siya sang pusil. Bangud sa kakulba, nagsakay sa motorsiklo ang tagreklamo kag nagpauli sa ila. Nagbalik man ini sa police station upod na ang iya tiya nga si Evelyn kag tiyo nga si Alejandro Larroza matapos ginsugiran sang natabu. Sang nagpamangkot si Evelyn kon sin-o nga pulis ang nagabot sang pusil, ginpahayag nga gin-uyatan ni PO3 Galupar sa tshirt si Leovigildo kag ginhambalan nga malagyo pa siya.

Nagalaum ang pamilya ni Leovigildo nga ma-aksyonan ang ila reklamo kag mapasabat si galupar agud indi na matabu sa iban ang ila experyensya. (Aine Grace Bravo)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post UPDATE: Babaye nga Supervising Engineer sang NIA 6, Napatay Paagi sa Pagkuga Base sa Autopsy Result
Next post 18-anyos nga Nagabusong, Patay Matapos Nabungguan sang SUV ang iya Ginasakyan nga Tricycle sa Barotac Viejo