UPDATE: Pagpasira sang Ortiz kag Parola Wharves, Magalapas sa Konstitusyon Suno sa Pila ka Konsehal sa Syudad

Iloilo City–Magalapas sa konstitusyon ang plano sang Double Dragon Properties Corporation kag city government nga pasiraduhan ang Parola kag Ortiz wharves kjon magbukas ang Guimaras-Iloilo Ferry Terminal.

Imposible suno kay Councilor Plaridel Nava nga magpasar sang ordinansa ang city council para sa pagpasirado sang mga dulungkaan sang pumpboats bangud indi man pabor ang mga ka-alyado ni Mayor Jed Patrick Mabilog. Pero nagapati si Nava nga malab-ot sa kasuhay kun indi matuman sang konseho ang hingyo sang alkalde base sa probisyon sang joint venture agreement upod sa Double Dragon nga wala na sang iban nga terminal nga ma-operate magluwas lang sa GIFT.

Suno naman kay Councilor Ed Peñaredondo, indi makalapaw sa Konstitusyon ang JVA. Unconstitutional suno sa konsehal kon dayunon ang nasaad nga probisyon. (Aine Grace Bravo)