Update: 59-anyos nga Soltero sa San Joaquin, Puwede pa Makapangihi bisan Gin-utdan sang Kinatawo

Iloilo City — Makapangihi pa si alyas Menggoy sang Igdagmay San Joaquin bisan pa gin-utdan sang kinatawo.

Pa-athag ni Dr. Tongtong Plagata, dapat lang siguraduhon sang ospital sa diin ginabulong ang 59-anyos nga biktima nga indi magsirado ang urethral orifice kon magpali na ang operasyon.

Mahimo suno kay Dr. Plagata nga butangan sang prosthesis ang kinatawo ni Menggoy tubtob nga masiguro nga indi magsiradu ang urethral opening.

Si Menggoy ang gin-utdan sang iya ihado nga si Noel sang kinatawo samtang nagakatulog matapos ang ila pag-inom sang sabado sang hapon. (JoMaque)