Bata ni Punong Barangay Remia Gregori, Nagsurrender sa Oplan Tokhang sang Mandurriao Police

Iloilo City–Nagsurrender ang bata ni Punong Barangay Remia Prevendido-Gregori sang Bakhaw, Mandurriao sa Oplan Tokhang sang Philippine National Police.

Ginkumpirmar ni PSINSP Jojo Tabaloc, hepe sang Mandurriao Police Station, ang pagsungka ni Bonnie Gregori y Prevendido, isa sa mga high profile drug personalities sa listahan nila matapos na-engganyo sang iloy sini nga kapitan. Isa man sa gin-negosyar sang Mandurriao police kay Bonnie ang pagsurrender sang ila mga armas.

Ginahulat man ni Tabaloc ang pagsurrender sang number 1 sa ila listahan nga si Richard Prevendido nga una na ginkilala sang Philippine Drug Enforcement Agency (PDEA) 6 nga isa sa mga drug group leaders sa Iloilo. (AGB)