Pila ka banwa sa Northern Iloilo, Nakabatyag sang Linog
Iloilo — Gintay-ug sang magnitude 2.6 nga linog ang Victorias City Negros Occidental kag nabatyagan man sa pila ka banwa sa northern Iloilo.
Suno kay Engr. Reynaldo Antioquia sang PHIVOLCS Roxas City, natabu ang pagtay-ug ala-1:18 sang hapon kag tectonic ang origin.
Suno kay alyas Noe nga informant sang Aksyon Radyo halin sa Pan de Azucar island sa Concepcion, nabatian sini nga daw may nagngurob kag ginsundan sang pagtay-ug.
May mga nagreport man nga nakabatyag sang pagtay-ug sa San Dionisio kag Sara. (JoMaque)