Barangay Kagawad, Patay Matapos Gintiro sang Riding-in-tandem

Banate, Iloilo–Patay ang barangay kagawad sa Barangay Juanico sang gintiro sang riding-in-tandem kahapon.

Ginkilala ni PINSP Fernando Punzalan, hepe sang Banate Police Station, ang biktima kay Eduardo Binobo Jr, 36-anyos sang amo man nga lugar. Gindala pa sa ospital si Binobo apang napatay bangud sang pilas sa ulo.

Na-recover sa lugar sang insidente ang tatlo ka baseyo sang 9mm.  Gina-imbestigaran na sang Banate police ang motibo sa krimen. (AGB)