ICPO Director, Nag-Inspect sa mga Pulis sa Esplanade!

Iloilo City–Gin-inspeksyon ni Iloilo City Police Office Director PSSUPT Remus Zacharias Canieso ang Esplanade agud masiguro nga naga-duty ang mga tourist polic.

Gin-adjust ni Canieso ang deployment sang mga pulis agud mabantayan ang kada pamusod sang Esplanade kag indi lang sa entrance kag exit. Ginapatun-an man sini kay PCINSP Jojo Tabaloc, hepe sang Mandurriao Police Station, ang posibilidad nga magpahamtang sang pulis sa kada 250 metros sang Esplanade.

Ginmanduan ni Canieso ang mga pulis nga i-check gid ang mga dala sang nagasulod sa Esplanade agud wala sang makalusot nga anuman nga hinganiban. Sa mga roving police naman, ginpa-monitor ni Canieso ang aktibidad sang mga nagalagaw sa sulod ilabe na ang grupo sang mga pamatan-on.

Ginhimo ni Canieso ang tikang kasunod sang pagbuno-patay kay John Edward Lao, ang estudyante sang Iloilo National High School, sa Esplanade sang Hulyo 23 sang hapon. (AGB)